पोखरा ।
गण्डकी प्रदेश सभा नियमावली मस्यौदा समितिको कार्यावधि थप गरिएको छ । प्रदेश सभाको बुधबार बसेको बैठकले समितिको कार्यावधि असार २० गतेसम्म थप गरेको समितिका संयोजक विन्दुकुमार थापाले जानकारी दिए ।

समितिको कार्यावधि तेस्रो पटक थप गरिएको हो । सुरुमा समितिलाई फागुन मसान्तसम्मको समय दिइएको थियो । त्यसपछि समितिले चैत ९ गतेसम्मको समय मागेको थियो । त्यसपछि पनि काम हुन नसकेपछि जेठ मसान्तसम्मको समयसीमा बढाइएको थियो ।

त्यसलाई पनि थप गर्दै बुधबारको प्रदेश सभा बैठकले समितिलाई असार २० गतेसम्मको समयसीमा प्रदान गरेको हो । विविध कारणवस् नियमावली मस्यौदाको काम गर्न नसकेकाले समितिको कार्यावधि थप गरिएको सभामुख कृष्णप्रसाद धितालले प्रदेश सभालाई जानकारी गराए ।