पोखरा ।
लायन्स क्लब इन्टरनेसनल ३२५ एम नेपाल अन्तर्गतको लायन्स क्लब अफ पोखरा गण्डकी प्रदेशको वर्ष २०२३/०२४ का नवनिर्वाचित अध्यक्ष रूद्रबहादुर श्रीसले शुक्रबार पदभार ग्रहण गरेका छन् ।

नयाँ लायन वर्ष सुरुआतको पूर्व सन्ध्यामा क्लबका नवनिर्वाचित अध्यक्ष श्रीसलाई निवर्तमान अध्यक्ष उषा थापाले पदभार हस्तान्तरण गरेकी हुन् । जुलाई १ तारिखबाट नयाँ लायन वर्ष प्रारम्भ भएको छ । पदभार ग्रहण गर्दै नवनिर्वाचित अध्यक्ष श्रीसले डिस्ट्रिक्ट गभर्नरसमक्ष आफूले गरेका प्रतिबद्धतालाई कार्यान्वयन गर्दै क्लबलाई नयाँ उचाइमा लैजाने प्रतिज्ञा गरे ।

अग्रजको मार्गनिर्देशन र सदस्यको सुझावलाई आत्मसात् गर्दै क्लबलाई क्रियाशील बनाउन नेतृत्वदायी भूमिका खेल्ने उनको वाचा छ । निवर्तमान अध्यक्ष थापाले नवनिर्वाचित अध्यक्षले क्लबलाई नयाँ उचाइमा पुर्‍याउने विश्वास व्यक्त गरिन् । लायनवाद र लायन्सको बारेमा आम जनमानसमा सकारात्मक सन्देश प्रवाह गर्नुपर्ने आवश्यकता रहेको बताउँदै उनले क्लबको नयाँ टिमलाई आफ्नो पूर्ण साथ र समर्थन रहने सुनाइन् ।

क्लबकी संस्थापक अध्यक्ष एवं डिस्ट्रिक्टकी रिजन चेयरपर्सन कोपिला श्रीसले आवश्यकतालाई प्राथमिकतामा राखेर सामाजिक सेवामा समर्पित हुनुपर्ने धारणा राखिन् । डिस्ट्रिक्ट क्याबिनेट को–सेक्रेटरी कुलचन्द्र शर्माले लायनवाद र लायन्सको बारेमा सबैले बुझ्नुपर्ने आवश्यकता औंल्याए । कार्यक्रम क्लबकी निवर्तमान अध्यक्ष उषा थापाको अध्यक्षतामा भएको हो ।