पोखरा ।
स्याङ्जाको हरिनास गाउँपालिका ६ मा खाना पकाउने ग्याँस चुहावट (लिक) भइ आगलागी हुँदा ३ जना घाइते भएका छन् ।

स्थानीय नारायण मानन्धरको घरमा खाना पकाउने क्रममा अचानक ग्यास लिक आगलागी भएको जिल्ला प्रहरी कार्यालय स्याङजाले जानकारी दिएको छ ।

प्रहरी कार्यालयका अनुसार आगलागीमा परी ६० वर्षीय नारायण मानन्धर, ३४ वर्षीय रोशन भन्ने खिमनारायण मानन्धर र २० वर्षीय विशाल मानन्धर घाइते भएका छन् ।

नारायण र खिमनारायणको दुवै खुट्टाका केही भाग जलेको र विशालका दुवै खुट्टा र अनुहारको केही भाग जलेको प्रहरीले बताएको छ ।

उनीहरुको अहिले पश्चिम क्षेत्रीय अस्पताल पोखरामा उपचार भइरहेको छ ।