एमालेले राेक्याे गण्डकी प्रदेश सभा, एक सत्तापक्षीय सांसदकाे भनाई रेकर्डबाट हटाएपछि पुन सुरु

पोखरा
चिनको स्वशासित क्षेत्रमा आवद्ध रहेको माननीयहरुको आवाज भन्ने शब्द संसदको रेकर्डबाट हटाएसँगै गण्डकी प्रदेश सभाको अवरोध हटेको छ । मन्त्रालय गत विनियोजन बजेटको छलफलका क्रममा प्रदेश सभा सदस्य दोर्णकुमार कुवरले चिनको स्वशासित क्षेत्रमा आवद्ध रहेको माननीयहरुको आवाज भन्नी उल्लेख गरेको थिए ।
सोही विषय संसदको मर्यादा विपरित रहेको भन्दै प्रमुख प्रतिपक्ष दल नेकपा एमाले र राष्ट्रिय प्रजातन्त्र पार्टी (राप्रपा) ले गण्डकी प्रदेश सभा अवरुद्ध गरेका थिए । प्रदेश सभा बैठक सुरु भएलगत्तै एमाले सांसद सुधिरकुमार पौडेलले उठेर विरोध जनाएका थिए । सभामुखले उक्त शब्द संसदीय मर्यादा विपरित रहेको भन्दै प्रदेश सभाको रेकर्डबाट हटाउन सचिवालयलाई निर्देशन दिएसँगै प्रदेश सभाको अवरोध हटेको हो ।
यसअघि प्रमुख प्रतिपक्ष दल नेकपा एमाले र राष्ट्रिय प्रजातन्त्र पार्टी (राप्रपा) ले प्रधानमन्त्री पुष्पकमल दाहाल प्रचण्डको राजीनामा माग गर्दै बिहीबारको गण्डकी प्रदेश सभा अवरुद्ध गरेका थिए ।
तपाईको प्रतिक्रिया