पोखरा ।
बुद्ध विशाल बजार व्यापारिक एसोसियसन पोखराले आफ्ना व्यवसायीलाई कर तथा लेखा तालिम दिएको छ ।

संस्थाका अध्यक्ष केशवबहादुर खत्रीले आफ्ना व्यवसायीलाई जरिवानाबाट बचाउन तालिम आयोजना गरिएको जनाए । उनले तालिममा सिकेका कुरालाई कार्य क्षेत्रमा प्रभावकारी रूपमा कार्यान्वयन गर्ने आग्रह गरे ।

कर अधिकृतहरू अपील सिग्देल तथा विमल थापाले करबाट व्यवसायीले दुःख नपाऊन् र करको बारेमा जानकारी नभएर जरिवाना तिर्नु नपरोस् भनी तालिम दिइएको बताए । कार्यक्रममा संस्थाका उपाध्यक्ष ईन्द्रराज अर्याल, महासचिव बुद्विबहादुर कुँवर लगायतले बोलेका थिए ।