पोखरा ।
गण्डकी प्रदेश सरकारले शुक्रबार प्रदेशमा सार्वजनिक बिदा दिएको छ । भानु जयन्तीका अवसरमा शुक्रबार सार्वजनिक विदा दिइएको हो । गण्डकी प्रदेश मन्त्रिपरिषदको २०७९ चैत ८ गतेको निर्णय अनुसार असार २९ गते शुक्रबार विदाको निर्णय भएको मुख्यमन्त्री तथा मन्त्रिपरिषद् कार्यालयका उपसचिव सुरणप्रसाद शर्मा पौडेलले जानकारी दिए । संघले दिएबाहेक प्रदेशलाई वर्षमा ६ दिन विदा दिने अधिकार छ ।

प्रदेश सरकारले प्रदेशभरका सबै सरकारी कार्यालय, शैक्षिक संस्था तथा सार्वजनिक संस्थानहरुमा सार्वजनिक बिदा दिइएको सूचनामार्फत जानकारी दिएको छ । तनहुँको चुँदीरम्घामा विसं १८७१ असार २९ गते जन्मिएका भानुभक्तले वाल्मिकी रामायणलाई अनुवाद गरेका हुन् । उनका दर्जनौं अरु कृति पनि छन् ।