पोखरा ।
नेपाल मगर संघ माटेपानी इकाइ समितिले पोखरा १२ ले ८० वर्षका चन्द्रबहादुर थापामगरलाई खाद्यान्न सहयोग गरेको छ । तनहुँ घर भई पोखरा १३ जय नेपालमार्ग स्थित सुकुम्बासी टोलमा बस्ने थापालाई ४ हजार ५ सय बराबरको दाल, चामल, नून, तेल लगायतका सामग्री प्रदान गरिएको समितिका सचिव इन्जिनियर बमबहादुर श्रीषमगरले जानकारी दिए ।

समितिका अध्यक्ष पूर्णबहादुर थापामगरले विगत १६ वर्षदेखि सुकुम्बासी टोलमा एक्लै बस्दै आएका थापाको आयस्रोत केही नभएको तथा रेखदेख गर्ने आफन्तसमेत नभएको उल्लेख गरे । थापाकी श्रीमतीको १६ वर्ष पहिले नै निधन भएको हो । मगर संघ माटेपानीका संस्थापक सदस्य थापाका छोराबुहारी तनहुँमा बस्दै आएका छन् ।

कार्यक्रममा मगर संघ माटेपानी इकाई समितिका पूर्व अध्यक्ष डिलबहादुर श्रीषमगर, महिला उपाध्यक्ष तुलसी थापामगर, निवर्तमान सहसचिव ज्ञानबहादुर थापामगर, पारु थापामगरले बोलेका थिए ।