पोखरा ।
लायन्स क्लब अफ पोखरा विरौटा साझा चौतारीको आयोजनामा वडा नं. १७ महतगौडामा विरुवा रोपिएको छ । कार्यक्रमअघि वृक्षरोपणसम्बन्धी अभिमुखीकरण कार्यक्रमसमेत गरिएको थियो ।

कार्यक्रममा लायन्स क्लब अन्तर्राष्ट्रिय डिस्ट्रिक ४२५ एमका ट्रि प्लान्टेसन विभाग प्रमुख लक्ष्मण तिमिल्सिनाले वृक्षरोपण र ती विरुवाको स्याहार गर्न सबैलाई आग्रह गरे । उनले लायन्सले यस वर्ष विरुवा सार्नेसँगै विरुवा संरक्षणको अभियानमा चलाएको जनाए । यस वर्ष २७ वटा पार्क एवं मन्दिर परिसरमा वृक्षरोपण, संरक्षण र गोडमेल गरिएको उनले सुनाए ।

पोखरा १७ की अध्यक्ष राधिका शाही योगीले समुदाय र क्लबको साझेदारीमा हुने यस खालका कार्यक्रमले सकारात्मक सन्देश दिने बताइन् । कार्यक्रममा सदाशिवजी हरिहर मन्दिर संरक्षण समिति अध्यक्ष नगेन्द्र शर्मा भण्डारी, जानकी माविका अध्यक्ष नगेन्द्र गुरुङ, डिपार्टमेन्ट को चिफ सीता पहारी, रिजन चियर पर्सन भोजराज बराल, जोन चियर पर्सन गीता पराजुली, सल्लाहकार रजनी कोइराला, साबित्रा पौडेल, ढुँगेसाँघु आमा समूहकी अध्यक्ष सीता काफ्ले लगायतले बोलेका थिए ।

क्लबले बिभिन्न प्रजातिका ९५ बिरुवा रोप्नुका साथै सीतापाइला आमा समूहको भवन तथा सामुदायिक भवन परिसरमा सरसफाइसमेत गरेको छ ।