गलकोट ।
गलकोट १० पाण्डवखानीमा सुरक्षा भत्ता वितरण गरिएको छ । ग्लोबल बैंक गलकोट शाखाले वडा कार्यालयबाट भत्ता वितरण गरेको हो । पालिका केन्द्रमा रहेको बैंक सम्म आउन जेष्ठ नागरिक, अपांगता भएका व्यक्तिलाई समस्या भएपछि वडा कार्यालयबाट सेवा दिएको बैंकका प्रमुख श्याम ढकालले बताए । बैंक तथा सुरक्षा निकायसंग समन्वयन गरेर भत्ता वितरण कार्यलाई वडास्तर सञ्चालन गरिएको उनको भनाइ छ ।

ज्येष्ठ नागरिक तथा अशक्त नागरिकलाई पालिकामा रहेको बैंक सम्म पुगेर भत्ता वितरण गर्दा समस्या भएकाले वडाबाटै वितरण गरिएको वडा अध्यक्ष भक्तबहादुर काउचाले बताए । वडाभित्रकै रमुवा गाउँमा बाटो अवरुद्ध हुँदा जान सम्भव नभएकाले त्यहाँका नागरिकको भत्ता वडा सदस्य कुमार पुनलाई जिम्मेवारी दिएको जानकारी दिए ।

भदौ मसान्तसम्म नविकरण गरिसक्नुपर्ने र गर्न छुटेमा आगामी वर्ष भत्ता नपाउने भएकाले सबैलाई नविकरण गर्न सचिव ठाकुर तिमिल्सिनाले आग्रह गरे ।