म्याग्दी ।
बेनी–जोमसोम सडक अन्तर्गत म्याग्दीको अन्नपूर्ण गाउँपालिका ६ भीरकाटेबाट चालकसहित गाडी बेपत्ता भएको छ ।

अन्नपूर्ण ३ दानाबाट बेनीतर्फ आउँदै गरेको बेनीको सुमन किराना स्टोर्सको ग२च १०३१ नम्बरको बोलेरो जिप कालीगण्डकीमा बेपत्ता भएको हो । सो गाडीसँगै म्याग्दीको मालिका गाउँपालिका ५ देवीस्थान घर भएका चालक कमलेश परियारसमेत बेपत्ता भएको म्याग्दीका प्रहरी नायब उपरीक्षक मदन कुँवरले जानकारी दिए ।

‘भीर काटेको कालीगण्डकी किनारमा जिपको सिसा भेटिएको छ’, परियार भन्छन्, ‘जिप र चालकको अवस्था अज्ञात छ ।’ प्रहरी, स्थानीय र व्यवसायीको टोली गाडी र चालकको खोजीमा जुटेका छन् । सुमन किराना स्टोर्सका सञ्चालक सुमन श्रेष्ठका अनुसार दानामा सामान पुर्‍याएर फर्कंदै गरेको जिपका चालकसँग शुक्रबार दिउँसो ३ बजेसम्म सम्पर्क भएको थियो । ३ बजेपछि सम्पर्क नभएको श्रेष्ठले सुनाए ।