पोखरा ।
नेपाली कांग्रेस कास्कीले पार्टी सुदृढीकरणका लागि अगाडि सारिएको ‘आन्तरिक विशेष अभियान २०६० अन्तर्गत सोमबार कास्की क्षेत्र नम्बर २ मा संयुक्त भेला आयोजना गरेको छ । सभापति किशोरदत्त बरालका अनुसार केन्द्रीय प्रतिनिधि अर्जुनप्रसाद जोशी कार्यक्रममा सहभागी बने ।

मंगलबार हेमजामा कास्की क्षेत्र नम्बर ३ को भेला भएको छ । साउन २४ गते पोखरा ३० खुदीमा क्षेत्र नम्बर १ को संयुक्त बैठक र भेला तय छ । साउन ३० गतेसम्म चल्ने अभियान अन्तर्गत नै साउन २५ गते अग्रज नेताहरुसँग भेटघाट, २६ गते नेपाली कांग्रेसको तर्फबाट निर्वाचित जनप्रतिनिधिसँग छलफल, साउन २८ गते महानगरस्तरीय बैठक, साउन २९ गते महाधिवेशन प्रतिनिधिसँग भेटघाट तथा साउन ३० गते शुभेच्छुक संस्थासँग भेटघाट तय गरिएको कांग्रेस क्षेत्र नम्बर २ का कार्यवाहक सभापति दिनेश आचार्यले जानकारी दिए ।