पोखरा ।
अन्तर्राष्ट्रिय मानवाधिकारवादी संस्था एम्नेस्टी इन्टरनेसनल समूह ५४ को साधारणसभाले सुरेन्द्र परियारको संयोजकत्वमा नयाँ कार्यसमिति चयन गरेको छ ।

२२ औं वार्षिक साधारणसभा तथा १४ औं अधिवेशनल नयाँ नेतृत्व चुनेको हो । शनिबार पोखरामा भएको साधारण सभाले सहसंयोजकमा विष्णुहरि पन्थी, सचिव अधिवत्ता मीनाकुमारी रानाभाट, कोषाध्यक्षमा दीपा शर्मा, सहसचिवमा अधिवक्ता सूर्यबहादुर थापालाई चयन गरेको छ ।

समितिका सदस्यमा सुशील केसी, अजय थापा, अनिरुद्र बराल र अस्विन कार्की छन् । कार्यक्रममा एम्नेस्टी इन्टरनेसनल समूह ५४ का पूर्व संयोजक कोमलनाथ कुँवरले मानवाधिकारको वकालत गर्ने गरी एम्नेस्टीको स्थापना भएको बताए । नवनिर्वाचित टिमले एम्नेष्टी अभियानलाई व्यापक बनाई मानवाधिकार संरक्षणलाई नयाँ उचाईमा पुर्‍याउने विश्वास व्यक्त गरे ।

पूर्वसंयोजक नवीनराज बरालले नयाँ कार्यसमितिले मानव अधिकारको क्षेत्रमा प्रभावकारी भूमिका खेल्ने अपेक्षा गरे । कार्यक्रममा एम्नेस्टी इन्टरनेसनल समूह ५४ का पूर्व संयोजकहरु अनन्त कोइराला र भानु पराजुली, समूह ८२ सचिव नरेश बराल लगायतले बोलेका थिए ।