पोखरा ।
शिक्षासेवी देवीरमण शर्माको स्मरणमा प्रकाशित देवीरमण शर्मा शास्त्री स्मृतिग्रन्थको बिहीबार लोकापर्ण गरियो । देवीरमण कृष्णकुमारी स्मृति प्रतिष्ठान कास्कीले कार्यक्रम आयोजना गरी देवीरमणको १०८ औं जन्म जयन्तीको अवसरमा स्मृतिग्रन्थ लोकपर्ण गरिएको हो ।

कार्यक्रममा संस्कृतिविद् प्राडा जगमान गुरुङले उक्त स्मृति ग्रन्थको विमोचन गरे । गुरुङले शैक्षिक क्षेत्रमा एउटा उदाहरणीय पात्रको रुपमा देवीरमण गुरुलाई चिनेको बताए ।

‘म १४ वर्षको हुँदा गाउँबाट पोखरा पढ्न आएको थिएँ, त्यति वेला दुब्लो पातलो पाइजामा र कपडाको जुत्ता लगाएको अवस्थामा देविरवण गुरुसँग भेट भएको थियो’, आफूलाई पढाएको त्यो बेलाको स्मरण गर्दै उनले भने, ‘ज्यादै परिश्रमी र कडा मिजासको हुनुहुन्थ्यो । विद्यार्थीलाई प्रेरणा दिनुहुन्थ्यो त्यो बेला गुरुले पढाएका विद्यार्थी अब्बल साबित भएका छन् ।’

शिक्षाविद् जोर्ज जोनले नेपाली र अग्रेजी दुबैमा दख्खल भएकै कारण पृथ्वीनारयण क्याम्पसमा ३ वर्ष प्रध्यापन गरेको सुनाए । समीक्षक सहप्रध्यापक डा. यमनाथ तिमिल्सिनाले असल, सफल, सालिन, भद्र र शिक्षकको पनि अभिभावकको रुपमा देवीरमण शर्मा रहेको उल्लेख गरे ।

साहित्यकार तारा पाखेले पोखरमा शिक्षाको विकासमा देवीरमणको महत्वपूर्ण योगदान रहेको बताए । सुवदी कल्याण प्रतिष्ठान नेपालका कुलाधिपति देविप्रसाद सुवेदीले शिक्षाको उज्यालो छरेको तर्क गरे ।

राजनीतिज्ञ विश्व सिग्देलले गुरुकै विश्वास, सहास र आत्मावलले नै आफू यो स्थानमा उभिन सफल भएको बताए । पूर्व खेलाडी खड्गबहादुर रानाभाटले राष्ट्रियता, शिक्षा, लगनशीलता र स्वावलम्बनको पाठ सिक्ने अवसर मिलेको बताए ।

देवीरमण कुष्णकुमारी स्मृति प्रतिष्ठान कास्कीका सचिव पशुपति सुवेदीले शिक्षा क्षेत्रको विकास गर्ने उद्देश्यले प्रतिष्ठान स्थापना गरेको बताए । वि.स. १०७३ असार १ गते जन्मिएका देवीरमणको २०३१ फागुन १ गने निधन भएको थियो । उनैका कान्छा छोरा डा अनिल सुवेदीलृ बुवाको सम्झनामा यो स्मृतिग्रन्थ प्रकाशन गरेका हुन् । त्यस अवसरमा देवीरमणको सम्झनामा बनाइएको वृत्तचित्र पनि प्रदर्शन गरिएको थियो ।

देविरमण कृष्णकुमार स्मृति प्रतिष्ठान कास्की अध्यक्ष डा अनिल सुवेदीको अध्यक्षमा भएको कार्यक्रममा उपाध्यक्ष अखिल सुवेदीले स्वागत र मनिष सापकोटाले कार्यक्रम सञ्चालन गरेका थिए ।