पोखरा ।
लोकप्रिय स्मार्टफोन ब्रान्ड सामसङले पहुँच योग्य दायरा बढाउन ५ जि नेटवर्किङ क्षमताका सेटहरु बजारमा ल्याउने भएको छ । देशका प्रमुख दुई टेलिकम अपरेटर एनटिसी र एनसेलले नेपालभर विभिन्न ब्यान्ड र फ्रिक्वेन्सी सञ्चालन गरेका छन् ।

नेपालमा सञ्चालनमा रहेका सबै समान ब्यान्ड २ जिका लागि ८,९०० मेगाहर्ज), थ्री जिका लागि ब्याण्ड १ (२१०० मेगाहर्ज), ४ जिका लागि ब्याण्ड ३ (१८०० मेगाहर्ज) सबैसँग सामसङले काम गरेको छ । नेपाल टेलिकमलले भोल्ट विस्तार गर्ने दौरानमा आफ्नो एलटिइ वा ४ जि नेटवर्कलाई साथ दिन एक अतिरिक्त समान ब्याँड २०(८०० मेगाहर्ज) प्रस्तुत गरेको थियो ।

सामसङद्वारा यसको परीक्षण गरिएपश्चात् उपकरणहरुमा सामसङले त्यसको प्रयोग पनि गरेको थियो । सामसङले नेपालमा सञ्चालनमा रहेका २ मुख्य सञ्चालक एनटिसी र एनसेलका यी सबै ब्यान्ड र फ्रिक्वेन्सीले सेवा दिइरहेका छन् ।

नेपालका टेलिकम कम्पनीहरुले ५ जि नेटवर्क सुरु गर्न लागेका छन् । देशमा सञ्चालित सबै नेटवर्क सञ्चालकले यो प्रविधिको व्यवसायिकरण गरेसँगै प्रयोगकर्ताले आफ्नो ५ जिका लागि तयार रहेका उपकरणमा अन्ततः तीव्र गतिको इन्टरनेट सेवाको मज्जा लिन सक्ने छन् ।

सामसङले सन् २०२१ देखि नै ५ जिका लागि तयार विभिन्न मूल्यका स्मार्टफोन उपलब्ध गराउँदै आएको छ । देशमा ५ जि प्रविधि भित्रयाउने सन्दर्भमा यी दुवै टेलिकम सञ्चालकसँग निरन्तर काम गर्दै आएको छ । कम्पनीले भर्खरैमात्र उनीहरुको अत्यन्त सुलभ मूल्यको ५ जि स्मार्टफोन सामसङ ग्यालेक्सी एम १४ ५ जि बजारमा उपलब्ध पनि गराइसकेको छ ।