व्यक्तित्वकला प्रतियोगितामा रेन्बो एकेडेमिकी प्रकृति प्रथम

समाधान संवाददाता २०८० भदौ २५ गते १३:२५

पोखरा ।

नारी प्रतिभा वाङ्मय प्रतिष्ठानले शनिबार आयोजना गरेको विद्यालय स्तरीय व्यक्तित्वकला प्रतियोगितामा रेन्बो एकेडेमिक होम्स् माध्यमिक विद्यालयकी प्रकृति छन्त्याल प्रथम भएकी छन् ।


आधारभूतका विद्यार्थी सहभागी प्रतियोगिताको शीर्षक ‘राष्ट्रिय एकताका लागि नेपाली भाषा’ थियो । प्रतियोगितामा ज्ञानसागर एकेडेमीकी आर्या त्रिपाठी दोस्रो, ग्लोबल कलिजियटकी स्प्नील गुरुङ तेस्रो र सैनिक आवासीयका उमंग कुँवर सान्त्वना बने । कालिका मावि उत्कृष्ट विद्यालय बनेको छ ।

Advertisement


प्रतियोगितामा प्रथम, द्वितीय, तृतीय र चतुर्थले क्रमशः ५ हजार, ४ हजार, ३ हजार र २ हजारका साथमा प्रमाणपत्र पाएका छन् । कार्यक्रममा माउन्ट अन्नपूर्ण माविका प्रिन्सिपल सइन्द्र श्रेष्ठले यस खालका कार्यक्रमले बालबालिकामा बोल्ने कला र भाषा विकास सँगसँगै हुने जनाए । उनले विद्यार्थीमा अत्यावश्यक कलामध्ये अभिव्यक्ति कला पनि भएको जनाए ।


प्रतिष्ठानकी अध्यक्ष पवित्रा घिमिरे ‘छन्दिका’को अध्यक्षतामा भएको कार्यक्रममा नेपाली लेखक संघ कास्की अध्यक्ष रीता अधिकारी ‘ऋतु’, प्रतिष्ठानकी सचिव लक्ष्मी थापा, कोषाध्यक्ष चन्द्रवती वाग्ले लगायतले बोलेका थिए ।

Advertisement


प्रतियोगितामा १८ विद्यालयका एक/एक छात्रछात्रा गरी ३६ विद्यार्थी सहभागी थिए । प्रतियोगितामा गण्डकी विश्वविद्यालयका चुनबहादुरा राना, गण्डकी प्रज्ञा प्रतिष्ठानकी प्राज्ञ डिलकुमारी पौडेल र लोचना अधिकारी निर्णायक थिए ।

तपाईको प्रतिक्रिया