पोखरा ।
नेकपा (एमाले) गण्डकी प्रदेश कमिटीले आउँदो १५ र १६ गते पोखरामा आयोजना हुने प्रथम अधिवेशनको लोगो मंगलबार सार्वजनिक गरेको छ । अधिवेशन प्रचार समितिले पत्रकार भेटघाट कार्यक्रम आयोजना गरेर लोगो सार्वजनिक गरेको हो ।
लोगो सार्वजनिक गर्दै एमाले सचिव तथा गण्डकी प्रदेश इन्चार्ज गोकर्ण बिष्टले अधिवेसनलाई ऐतिहासिक बनाउन भएका तयारीहरूको बारेमा जानकारी दिए ।

बैठकले अधिवेशन सम्पन्न गर्न विभिन्न उपसमिति बनाएको छ । प्रचार उपसमिति सदस्य रामजीप्रसाद लम्सालका अनुसार प्रदेश कमिटी अध्यक्ष नवराज शर्माको अध्यक्षतामा सम्पन्न कार्यक्रम अधिवेशन प्रचार प्रसार समिति संयोजक तथा प्रदेश कमिटीका उपसचिव रश्मि आचार्यले सञ्चालन गरेका थिए ।

अधिवेशनमा करिब ९०० जना प्रतिनिधि सहभागी हुने र असोज ९ गते प्रतिनिधि चयन हुने जानकारी अध्यक्ष नवराज शर्माले जानकारी दिए । अधिवेशनको पार्टी अध्यक्ष केपी शर्मा ओलीले असोज १५ गते अमरसिंहचौरमा उद्घाटन गर्ने कार्यक्रम छ ।