पाेखरा । नेपाली कांग्रेसका केन्द्रीय सदस्य गुरु बरालले पोखरा अन्तर्राष्ट्रिय विमानस्थलको ऋण मिनाहाको सम्बन्धमा प्रधानमन्त्री पुष्पकमल दाहालको चीन भ्रमणमा छलफल गर्नुपर्ने बताएका छन् ।

शुक्रबार बसेकाे पार्टीको केन्द्रीय समिति बैठकमा बरालले ऋणको महँगो ब्याज तिर्न बाध्य भएको र यसले भविष्यमा ठूलो समस्या निम्त्याउन सक्ने बताउँदै उनले ऋण मिनाहा गर्न प्रधानमन्त्री पहल गर्नुपर्ने बताएका हुन् ।

’हामीले पोखरामा अन्तर्राष्ट्रिय एयरपोर्ट महँगोमा बनायौँ, अहिले चर्को ब्याज तिरिरहेका छौँ,’ उनले भने, ’प्रधानमन्त्री चीन भ्रमणमा जाँदै हुनुहुन्छ, हामीले अभिभावकत्व लिएर प्रधानमन्त्रीलाई भन्नुपर्छ र भ्रमणमा ऋण मिनाहा गर्नेबारे पहल लिनुपर्छ । यदि ऋण तिर्न नसके अरू मुलुकमा जस्तै विदेशीको हस्तक्षेप हुने निश्चित छ ।’