विन्ध्यवासिनी क्याम्पसका आजीवन सदस्य र अक्षयकोषदाता सम्मानित

समाधान संवाददाता २०८० असोज ७ गते ७:३९

पोखरा ।
गण्डकी प्रदेशका प्रदेश प्रमुख पृथ्वीमान गुरूङले नैतिक शिक्षा र आचरणले मानिसलाई जिम्मेवार बनाउने बताएका छन् । पोखराको बाटुलेचौरमा रहेको विन्ध्यवासिनी क्याम्पसको दशौं साधारण सभाको उद्घाटन गर्दै प्रदेश प्रमुख गुरुङले सिकेको शिक्षा र सिपलाई व्यवहारमा उतार्न सकेमात्र जीवन सफल बन्ने पनि बताए ।


संघीय सासंद विद्या भट्टराईले क्याम्पसको शैक्षिक तथा भौतिक विकासमा सहयोग गर्न आफू प्रतिवद्ध रहेको सुनाइन् । क्याम्पस सञ्चालक समितिका अध्यक्ष दानबहादुर बानियाँको अध्यक्षतामा भएको कार्यक्रममा गण्डकी प्रदेशका पूर्वमन्त्री कुमार खड्का, नेपाल पब्लिक क्याम्पस संघका प्रदेश अध्यक्ष ऋषिराम बुढाथोकी, पोखरा १६ का अध्यक्ष अमृत शर्मा तिमिल्सिना, नेपाल सरकारका पूर्व सचिव बाबुराम आचार्य, संस्थापक क्याम्पस प्रमुख नरहरि भट्टराई, प्राध्यापक डा टंकनाथ तिमिल्सिना लगायतले दक्ष जनशक्ति उत्पादन गर्न क्याम्पसले गुणस्तरीय शिक्षा प्रदान गरेको बताए ।


क्याम्पसका उत्कृष्ट विद्यार्थी सरस्वती विक, तिलक आर्चाय, शर्मिला बास्तोलालाई सम्मान गरिएको छ । ३५ जना अक्षयकोषदाता र ६९ जना आजीवन सदस्यलाई प्रदेश प्रमुख पृथ्वीमान गुरूङ, वडाध्यक्ष अमृत शर्मा तिमिल्सिना, पूर्वमन्त्री कुमार खड्का, क्याम्पस सञ्चालक समितिका अध्यक्ष दानबहादुर बानियाँले सम्मान गरे । क्याम्पस प्रमुख विजय शर्माले शैक्षिक तथा आर्थिक प्रतिवेदन प्रस्तुत गर्दै क्याम्पसको चौतर्फी विकासका लागि सहयोग गर्न आग्रह गरे । उनले क्याम्पसको आगामी कार्ययोजना समेत प्रस्तुत गरे ।

Advertisement

क्याम्पसले सोही कार्यक्रममा संरक्षक संस्था विन्ध्यवासिनी माध्यमिक विद्यालयलाई देशभरका सामुदायिक विद्यालयतर्फ नेपालकै उत्कृष्ट पहिलो बन्न सफल भएको भन्दै सम्मान गरियो । प्रदेश प्रमुख गुरूङ र सासंद विद्या भट्टराईले विद्यालयका प्रधानाध्यापक कृष्णप्रसाद आचार्यलाई सम्मानपत्र प्रदान गरे । विन्ध्यवासिनी माविका प्रअ कृष्णप्रसाद आचार्यले स्वागत गरेको कार्यक्रममको सञ्चालन क्याम्पसका कर्मचारी भीमबहादुर गायकले गरेका थिए । कार्यक्रममा विद्यार्थीले संस्कृति झल्किने गीत तथा नृत्य प्रस्तुत गरेका थिए ।

Advertisement

तपाईको प्रतिक्रिया