नारी उत्थान पुरस्कार सुष्मालाई

समाधान संवाददाता २०८० असोज ८ गते १५:१०

पोखरा ।
नारी उत्थान समाजसेवा पुरस्कार सामाजिक अभियन्ता सुष्मा पौडललाई प्रदान गरिने भएको छ । नारी उत्थान दिदीबहिनी समूह पोखराले स्थापना गरेको ११ हजार १ सय ११ रुपैयाँ राशिको यो पुरस्कार पहिलो पल्ट पौडेललाई प्रदान गर्न लागिएको हो ।


पुरस्कार छनोट समिति संयोजक माधव वियोगीले पुरस्कार सोमबार आयोजित समारोहमा हस्तान्तरण गरिने बताए । समितिका सदस्यमा समूहकी अध्यक्ष जानुका पौडेल, प्रमुख संरक्षक सरिता घिमिरे, अधिवक्ता जानुका शर्मा र उपाध्यक्ष बिमला भुजेल थिए ।


पत्रकारितासँगसँगै महिला हिंसा न्यूनीकरण र सामाजिक जागरणका विभिन्न अभियानमा सक्रिय पोखरा बिरौटा निवासी पौडेलले कास्कीसहित विभिन्न जिल्लामा पुगेर महिला सशक्तीकरणका विभिन्न कार्यक्रम गर्दै आएकी छन् ।

Advertisement


समाजसेवा क्षेत्रमा विशिष्ट र प्रभावकारी कार्य गर्ने नारी प्रतिभालाई प्रोत्साहित गर्ने उद्देश्यले संस्थाले यो पुरस्कार स्थापना गरेको समूहकी अध्यक्ष जानुका पौडेलले बताइन् ।

Advertisement

तपाईको प्रतिक्रिया