पोखरा ।
पोखरेली ट्याक्सी सेवा प्रालिको अध्यक्षमा शोभाकान्त पौडेल सर्वसम्मत निर्वाचित भएका छन् । शनिबार पोखरामा सम्पन्न पाचौं वार्षिक साधारणसभा तथा दोस्रो अधिवेशनले पौडेल सर्वसम्मत निर्वाचित भएका हुन् । यसअघि प्रालिका अध्यक्ष प्रकाश मणि तिवारी थिए । प्रातिको समितिमा वरिष्ठ उपाध्यक्षमा सूर्य थापा, प्रथम उपाध्यक्षमा रामजी घिमिरे, द्वितीय उपाध्यक्षमा पूर्ण गुरुङ निर्वाचित भएका छन् ।

महासचिवमा युवराज भट्टराई, कोषाध्यक्षमा सुरथ पौडेल निर्वाचित भएन भने सदस्यमा युवराज गुरुङ, मधुसुधन पौडेल, डिल बहादुर नेपाली, मदन कुमार सुनार, डुलबहादुर राना (विकास) निर्वाचित भएका छन् । सर्वसम्मत अध्यक्षमा निर्वाचित गराउने सम्पूर्ण सदस्यप्रति अध्यक्ष पौडेलले आभार व्यक्त गरे ।

कार्यक्रममा बोल्दै निवर्तमान अध्यक्ष तिवारीले प्रालि स्थापनादेखि हालसम्म आफूलाई अध्यक्षमा सहयोग गर्ने र कार्यकाल सफल बनाउन योगदान गर्ने सम्पूर्णप्रति आभार व्यक्त गरे । आगामी नेतृत्वलाई सफल बनाउन पनि मेरो आफ्नो तर्फबाट सकारात्मक भूमिका निर्वाह गर्ने उनको भनाइ छ ।