असोज १७ देखि सेभेन ए साइड हुँदै

समाधान संवाददाता २०८० असोज १२ गते ११:०१

पोखरा ।
एट टु नाइन युवा क्लबको आयोजनामा असोज १७ देखि खुला सेभेन ए साइड फुटबल प्रतियोगिता हुने भएको छ । ‘युवा एकता, खेलकुद विकास तथा स्वास्थ्यका लागि खेलकुद’ भन्ने नाराका साथ फुटबल प्रतियोगिता हुन लागेको हो ।


२३ गतेसम्म पोखरा १३ माछापोखरी खेल मैदानमा हुने प्रतियोगिताका विजेताले नगद १ लाख रुपैयाँसँगै सिल्ड, मेडल र प्रमाणपत्र प्राप्त गर्ने छन् । प्रतियोगिताको उपविजेताले ६० हजार रुपैयाँसँगै सिल्ड, मेडल र प्रमाणपत्र प्राप्त गर्ने छन् । एक हप्तासम्म चल्ने प्रतियोगिताबाट बचत हुन आएको रकम रग्बी खेलाडी यशोदा बोहोरालाई प्रदान गरिनेछ ।


यशोदा नेपालमा भएको यु २० एसिया रग्बी सेभेन्सको तयारीको प्रशिक्षणका दौरान घाइते भएकी थिइन् । यशोदा यु १५ साफ महिला फुटबल च्याम्पियनसिपमा नेपालले स्वर्ण जितेको टोलीकी सदस्य पनि हुन् । उनलाई आर्थिक सहयोग गर्न प्रतियोगिताको आयोजना गरेको प्रतियोगिता संयोजक लोक गुरुङले बताए । प्रतियोगिताको उत्कृष्ट खेलाडी, उच्च गोलकर्ता र उत्कृष्ट गोलरक्षकलाई नगद प्रदान गरिनेछ ।

Advertisement

तपाईको प्रतिक्रिया