पाेखरा ।

एमाले गण्डकी उपाध्यक्षमा ३ महिला नेतृको दाबी पोखरा एमाले गण्डकी प्रदेश अधिवेशनमा ३ महिला नेतृले उपाध्यक्षमा आकांक्षा देखाएका छन् । प्रभा कोइराला, देवका पहारी र मञ्जु अधिकारी उपाध्यक्षका आकांक्षी देखिएका हुन् ।

देवका अहिले गण्डकी प्रदेश सभा सदस्य छिन् । प्रभा यसअघि गण्डकी प्रदेश सभा सदस्य थिइन् । मञ्जुचाहिँ यसअघिको कार्यकालमा फलेवास नगरपालिकाको उपमेयर थिइन् ।

अहिले उनी एमाले गण्डकी प्रदेश कमिटीको उपसचिव छिन् । उपाध्यक्षमा अहिलेकै उपाध्यक्ष मोहन रेग्मी पनि आकांक्षी छन् । अध्यक्ष लगायत पदाधिकारीमा दर्जनौं आकांक्षी छन् । १५ र १६ गते पोखरामा एमाले गण्डकी प्रदेश कमिटी अधिवेशन हुँदैछ ।