पोखरा ।
पोखराको सिमलचौरमा रहेकाे राम आधारभुत विद्यालयमा शुक्रबार आत्मरक्षा तालिम भएको छ । जोन्टा क्लबको युवा संगठन गोल्डेन जेड क्लब अफ अन्नपूर्ण र हिंसा विरुद्धको आवाज संगठनको सहकार्यमा तालिम भएको हो ।

तालिममा सहभागिलाई गुड टच, ब्याड टच, सीमाहरू, सहमति र अनुपयुक्त स्पर्शको बारेमा जानकारी गराइएकाे क्लबका अध्यक्ष दिप्ती घिमिरेले बताइन् । खतरापूर्ण अवस्थामा आफूलाई सुरक्षित राख्ने उपायका बारेमा व्यावहारिक प्रविधि र रणनीतिका बारेमा समेत तालिम दिइएको उनले जनाइन् ।

सुरक्षित रहन र राख्न आवश्यक सीप र आत्मविश्वास प्रदान गर्ने तालिमको लक्ष्य रहेको बताउँदै तालिमले सहभागीमा सकारात्मक प्रभाव पारेको घिमिरेले उल्लेख गरिन् ।