पोखरा ।
सिद्धार्थ क्लब पोखराले महिला अधिकार सम्बन्धी कानुनी सचेतना आयोजना गरेको छ । कार्यक्रममा पोखरा ४ की वडा सदस्य पार्वती माकाजूले धेरैजसो महिलालाई महिला अधिकारसम्बन्धी चेतना नभएको बताइन् ।

उनले केही सचेत महिलाले पनि कानुनी व्यवस्थाको दुरुपयोग गर्ने गरेको सन्दर्भमा यस प्रकारको तालिमबाट प्राप्त ज्ञानलाई सदुपयोग गर्नुपर्नेमा जोड दिइन् । संस्थाकी अध्यक्ष इन्दिरा मर्सानी श्रेष्ठले कार्यक्रम फलदायी हुने बताइन् ।

अधिवक्ता कृष्णकुमारी गुरुङले नेपालको संविधान २०७२ का विशेषता, महिला अधिकार, हक, हितका साथै संविधान कार्यान्वयन र चुनौतीबारे सहजीकरण गरेकी छन् । कार्यक्रममा क्लबका निर्देशक रवि मर्सानी, सचिव विनोदप्रसाद श्रेष्ठ, प्रथम उपाध्यक्ष देवेन्द्र पराजुली र सहभागी ज्ञानु श्रेष्ठले बोलेका थिए ।