पोखरा ।

हेमजा उद्योग व्यवसाय समिति पोखरा २५ हेमजाको आयोजनामा शनिबार शुभकामना आदानप्रदान भएको छ । समिति दर्ता भई पहिलो कार्यक्रम दसैं, तिहार, नेपाल संवत्, छठ पर्व तथा इद पर्वको शुभकामना आदानप्रदान गरिएको हो ।

सो अवसरमा पोखरा २५ अध्यक्ष मोतीलाल तिमिल्सिनाले बाटो, पुल बन्दैमा विकास नहुने बताउँदै आयआर्जनमा पनि लाग्नुपर्नेमा जोड दिए । हेमजामा व्यवसाय बढिरहेको उल्लेख गर्दै उनले वडाको तर्फबाट सहयोग गर्ने प्रतिबद्धता जनाए ।

माछापुच्छ्रे र अन्नपूर्ण गाउँपालिकामा सदस्य विस्तार गर्ने लक्ष्य रहेको समिति संयोजक मीनराज तिमिल्सिनाले बताए ।

कार्यक्रममा वडा सदस्य कृष्णबहादुर कुँवर, पोखरा उधोग बाणिज्य संघका सदस्य बालकृष्ण कोइराला, पर्यटन व्यवसायी विश्वराज अधिकारी, पूर्व संयोजक रुद्रनाथ पौडेल, मनोरथ सापकोटा, सदस्य धुव्रबहादुर परियार, सदस्य पार्वती पौडेल र सचिव राजेन्द्र बास्तोलाले बोलेका थिए ।

समितिमा अहिले १ सय १४ सदस्य रहेको कोषाध्यक्ष तीर्थराज देवकोटाले बताए ।