पोखरा ।
मौसममा आएको खराबीसँगै प्रभावित भएको पोखरा अन्तर्राष्ट्रिय विमानस्थलको उडान सेवा नियमित भएको छ । मौसम खराबीले सोमबार बिहानदेखि कुनै पनि उडान भएका थिएनन्, हुस्सु हटेरमौसम खुलेसँगै उडान सञ्चानमा आएको विमानस्थलकी प्रवक्ता जसोदा रेग्मीले बताइन् ।

बिहान हुस्सु लागेर भिजिबिलिटी कम भएर उडान रोकिएको र भिजिबिलिटी बढेपछि उडान नियमित भएको प्रवक्ता रेग्मीले जानकारी दिइन् ।

उनका अनुसार आज बिहान काठमाडौंबाट पोखराका लागि उडान भरेका यति र श्री एयरलाइन्सको विमान पोखरामा अवतरण नगरि काठमाडौं डाइभर्ट भएका विमान पोखरा आउन लागेका छन् भने पोखराबाट पनि उडानका लागि विमान तयारी अवस्थामा छन् ।

‘विमानस्थलमा कुनै पनि प्रकारका प्राविधिक समस्या भएको छैन, टेलिफोनमा समस्या आएको थियो, त्यो ठिक भइसक्यो’, उनले भनिन् ‘मौसम खराबीले हो उडान र अवतरणमा समस्या भएको ।’