पोखरा ।
आइसिटी सहकारी संस्था लिमिटेडले आफ्नो दोस्रो वार्षिक साधारण सभा गरेको छ । सभामा वर्तमान अवस्थामा अर्थतन्त्रमा देखा परेको आर्थिक मन्दीका सन्दर्भमा सदस्यबीच अन्तक्र्रियात्मक छलफल पनि भयो ।

सभामा पोखरा महानगरपालिका सहकारी समितिका अध्यक्ष रविरमण तिवारीले सहकारी नियमभित्र रहेर सञ्चालक र सेयर सदस्यहरु मिलेर सहकारीलाई मजबुत बनाएर लैजानुपर्नेमा जोड दिए । आर्थिक अनुशासनको क्षेत्राधिकारभित्र रहेर कारोबार गर्दा समस्या सिर्जना नहुने जनाउँदै सहकारीको सिद्धान्त मर्म र भावना अनुरुप रहेर कारोबार गर्न सञ्चालक र सेयर सदस्यहरुलाई आग्रह गरे । उनले सूचना सञ्चार र प्रविधिको क्षेत्रमा टेवा पु¥याउने कुनै पनि खालको परियोजनामा सहकारीलाई पोमनपा सहकारी समितिको तर्फबाट दिन सक्ने साथ र सहयोग गर्ने प्रतिवद्धता समेत व्यक्त गरे ।

संस्थाका अध्यक्ष सवि शेरचनले सूचना सञ्चार र प्रविधिमा टेवा पु¥याउने उद्देश्यले २०७८ सालमा स्थापित भएको सहकारीमा तरलता अभावको समस्या नरहेको र संस्थाको कारोबार पारदर्शी एंव स्वस्थ रहेको जानकारी दिइन् । उनले संस्थालाई रामा्रे र सुदृढ वनाउने जिम्मेवारी सदस्यहरुको पनि भएकाले संस्थामा नियमित कारोवारको लागि समेत आग्रह गरिन् ।

संस्थामा उत्कृष्ट कारोबार गर्ने २ जना सदस्यहरुबाट बचतकर्ता र सदस्य एवं सदस्यका छोराछोरीहरुलाई शैक्षिक एवं पदोन्नति सम्मान सभामा प्रदान गरिएको थियो । सूचना सञ्चार र प्रविधिमा टेवा पु¥याउने उद्देश्यले २०७८ सालमा स्थापित भएको सहकारीको सेयर पुँजी १ करोड ११ लाख ६५ हजार र महिला २७ पुरुष ८८ छन् ।

कार्यक्रममा सल्लाहकार सदस्य ईविन्द्रराज तिवारी, गुणानिधि पाण्डे, चण्डीप्रसाद अर्याल र फ्रेम उद्योग व्यवसाय संघको अध्यक्ष कोपिला श्रेष्ठ लगायतले शुभकामना मन्तव्य राखे । कार्यक्रमको सञ्चालन सचिव विश्वकुमार प्रधानले गरेका थिए । स्वागत मन्तव्य उपाध्यक्ष दूधमान गुरुङले गरेका थिए ।