मन्टेसरी चाइल्ड ट्यालेन्ट सो हुँदै

समाधान संवाददाता २०८० असोज १८ गते १३:४९

पोखरा ।
पोखरामा असोज १९ गते तेस्रो मन्टेसरी चाइल्ड ट्यालेन्ट शो हुने भएको छ । मन्टेसरी एसोसिएसन कास्कीको आयोजनामा उक्त कार्यक्रम हुन लागेको बुधबार पोखरामा आयोजित पत्रकार सम्मेलनमार्फत जानकारी गराइएको हो ।


पोखरा सभागृह हलमा आयोजना हुने ट्यालेन्ट शोमा पोखरामा रहेका ३२ मन्टेसरीका ४ सय ४० जना बालबालिकाहरुको सहभागिता रहने अध्यक्ष शान्ति बास्तोलाले बताइन् । उनका अनुसार एसोसिएसनमा ४८ मन्टेसरी स्कुल आबद्ध छन् ।

मन्टेसरीमा भएका बालबालिकाको प्रतिभा प्रस्फोटन गराउने उद्देश्यले कार्यक्रमको आयोजना गरिएको उनले बताइन् ।
कार्यक्रमकी संयोजक रीता पौडेलले ट्यालेन्ट शोमा ३२ आइटम प्रस्तुत हुने बताइन् । एकैपटकमा बढीमा १६ जना बालबालिकाले प्रस्तुति राख्ने उनले खुलाइन् । संस्थापक अध्यक्ष अरुणा शेरचनले साना बालबालिकाहरुमा पनि प्रतिभा हुन्छ भन्ने सन्देश दिन पनि कार्यक्रम आयोजना गरिएको बताइन् ।

Advertisement


कार्यक्रम सहसंयोजक विष्णु घिमिरेले एसोसिएसनको नियमित कार्यक्रम अन्तर्गतै कार्यक्रम आयोजना गरिएको बताए । कार्यक्रममा बालबालिकाले गायन, चित्रकला, नृृत्य, अभिनय तथा नयाँ अन्य प्रतिभा समेत प्रस्तुत गर्न पाउने छन् । ६ वर्षमुनिका बालबालिकाको सहभागिता रहने गरी कार्यक्रमको आयोजना गरिएको हो । कार्यक्रम सफल बनाउन मूल आयोजक समिति सँगै विभिन्न उपसमिति समेत बनाइएको छ । ट्यालेन्ट शोमा पुरस्कारको भने व्यवस्था गरिएको छैन ।

Advertisement

तपाईको प्रतिक्रिया