६ खेलाडी ग्रेडिङ पास

समाधान संवाददाता २०८० असोज १९ गते ९:४४

पोखरा ।
गण्डकी प्रदेश तेक्वान्दो संघको आयोजनामा सञ्चालित प्रदेशस्तरीय तेस्रो डान परीक्षामा छ जना खेलाडीहरु ग्रेडिङ पास गर्न सफल भएका छन् । बिहीबार भएको कार्यक्रम उद्घाटन गर्दै गण्डकी प्रदेशका कार्यवाहक अध्यक्ष विष्णु गौतमले खेलाडीको सिप र ज्ञानलाई राष्ट्रले सम्मुचित रुपमा प्रयोग गर्न सकेमात्र खेलाडीहरुमा खेल क्षेत्रमा लाग्न प्रेरणा मिल्ने बताए ।


प्रदेशका महासचिव रमेश पौडेलले तेक्वान्दो खेल नेपालका लागि सबैभन्दा बढी पदक ल्याउन सक्ने खेल भएकाले खेलाडीहरुले खेलमा नै भविष्य देखेर खेलेमा मात्र सफलता पाउने बताए ।


तेक्वान्दो संघ कास्कीका अध्यक्ष कुमार गुरुङले तेस्रो डान उत्कृष्ट खेल भएकाले खेलाडीहरुले परिस्कृत र परिमार्जित गरी व्यावसायिक रुपमा अगाडि बढ्न आग्रह गरे ।

Advertisement

कास्कीका दिप्सिना गुरुङ र सुजन गुरुङ साथै नवलपुरका खेलाडीमा समीर बानिया, मनीष महतो, सुलभ तामाङ र सुचित पाण्डेले तेस्रो डानको उपाधि लिन सफल भएको परीक्षा सञ्चालक समेत रहेका प्रशिक्षक बलराम लामाले जानकारी दिए ।

Advertisement

तपाईको प्रतिक्रिया