लेखनाथ सामुदायिकको सभा

समाधान संवाददाता २०८० असोज २१ गते १६:२०

लेखनाथ ।
लेखनाथ सामुदायिक सेवा केन्द्र एवं सामुदायिक प्रहरी सेवाको शनिवार १७ औं वार्षिक साधारण सभा भएको छ । सभामा जिल्ला प्रहरी कार्यालय कास्कीका प्रमुख प्रहरी उपरीक्षक मोहनकुमार थापाले कास्कीमा बढी लागुऔषध, घरेलु हिंसा र आर्थिक अपराधका घटना देखिएको जनाए ।


उनले ती अपराध न्यूनीकरणका लागि समुदायसँग सहकार्य गर्दै प्रहरी अघि बढ्ने उनले जनाए सामुदायिक सेवा केन्द्र कास्कीका वरिष्ठ उपाध्यक्ष ज्ञानेन्द्र बजगाईले घटना हुनुपूर्व अपनाउनुपर्ने होशियारी र कानुनी उपाचारलाई प्रभावकारी तरिकाले सर्वसाधारणसमक्ष लैजानुपर्ने विचार राखे ।


पोखरा २७ का वडाध्यक्ष पूर्णकुमार गुरुङले स्थानीय तह, नागरिक समाज र प्रहरीको सहकार्यबाट मात्र सुरक्षित, शान्त र समुन्नत समाज सम्भव हुने जनाए । कार्यक्रममा लेखनाथ सामुदायिक सेवा केन्द्रका संस्थापक अध्यक्ष मोती गिरी, लेखनाथ उद्योग बाणिज्य संघका पूर्व अध्यक्ष लक्ष्मीप्रसाद त्रिपाठी, संस्थाका उपाध्यक्ष गंगा खनाल, सचिव केशवराज तिवारी र सहसचिव दीपकराज भण्डारीले बोलेका थिए ।

Advertisement


समारोहमा लेखनाथ सामुदायिक सेवा केन्द्रको भवन निर्माणमा सहयोग गर्ने व्यक्तित्व र संस्थाका आजीवन सदस्यलाई सम्मान गरिएको केन्द्रका अध्यक्ष कृष्णप्रसाद अधिकारीले बताए । उनले सेवा केन्द्रले सामाजिक क्षेत्रमा गरेका काम र आगामी दिनमा गर्नुपर्ने कामका बारेमा प्रकाश पारेका थिए ।

Advertisement

तपाईको प्रतिक्रिया