जनप्रयि सहकारीको स्थापना दिवसमा रक्तदान

समाधान संवाददाता २०८० असोज २५ गते १२:२३

लेखनाथ ।
पोखरा महानगरपालिका वडा नम्बर २६ को वुढिवजारमा रहेको जनप्रिय सहकारी संस्थाको ४८ औं स्थापना दिवसका अवसरमा राखिएको खुला रत्तदानमा ४१ युनिट रगत संकलन भएको छ । सामाजिक उत्तरदायित्व अन्तर्गत हरेक वर्ष केही न केही उदाहरणीय काम गर्दै आएको संस्थाले यो वर्ष स्वास्थय सम्वन्धी जनचेतनासहितको रक्तदानमा ४१ जनाले रक्तदान गरेका हुन् ।


कार्यक्रममा संस्थाका पूर्व अध्यक्ष ९३ वर्षीय रामबहादुर थापाले रोग लाग्नुपूर्व आफनो स्वाथ्यका बारेमा सचेत हुनका लागि नियमित व्यायाम र आहारविहारमा ध्यान दिने हो भने निरोगी बन्न सकिने धारणा राखे ।


पहिलो रक्तदाता सेयर सदस्य रामचन्द्र सेढाईंलाई ब्लडब्याग हस्तान्त्रण गरी सुरु भएको कार्यक्रममा रक्तसञ्चार केन्द्र पोखराका वरिष्ठ प्राविधिक महेन्द्र केसी र सस्थाका पूर्वअध्यक्ष मुरारी बराल लगायतले स्वच्छ व्यक्तिले तीन/तीन महिनाको अन्तरमा रक्तदान गर्न सक्ने सहित रक्तदानको महत्व र उपयोगिताका बारेमा जानकारी गराएका थिए ।

Advertisement

संस्थाका अध्यक्ष रवीन्द्रमोहन अधिकारीको अध्यक्षतामा भएको कार्यक्रममा स्वागत मन्तव्य कार्यक्रम संयोजक बुद्धराज वस्याल र धन्यवाद ज्ञापन उपाध्यक्ष खेमप्रसाद भण्डारीले गरेका थिए ।

Advertisement

तपाईको प्रतिक्रिया