पोखरा १७ नमुना टोलको नमुना काम

समाधान संवाददाता २०८० असोज ३० गते १२:१२

पोखरा ।
पोखरा १७ बिरौटास्थित सिद्धार्थ राजमार्गस्थित नमुना टोल विकास संस्थाले सडकमा बत्ती बालेर नमुना काम गरेको छ । टोल विकास संस्थाको पहलमा सिद्धार्थ राजमार्गका सडक किनार र भित्री टोलमा बत्ती जडान गरेपछि साँझ राति सर्वसाधारण टोलवासी ढुक्कसँग हिँड्न पाएका छन् ।


युवा ब्यबसायी सूर्य बराल लगायत टोलबासीको प्रेरणाले टोल उज्यालो बनाउन सम्भव भएको टोल विकास संस्थाका उपाध्यक्ष तथा कार्यक्रम संयोजक श्रीबहादुर रानाभाटले बताए । टोल विकास संस्थाका अध्यक्ष झम्कनाथ पौडेलले टोलवासीको आर्थिक सहयोगमा उज्यालो र हराभरा टोल वनाउन सकिएको बताए । करिब २ किमि क्षेत्रफलको टोलमा २ लाख खर्च भएको उनले बताए ।

Advertisement

तपाईको प्रतिक्रिया