पोखरा ।
दसैंको समयमा बढी भाडा लिने सवारी साधनलाई जिल्ला ट्राफिक कार्यालय कास्कीले कारबाही गरेको छ । दसैंको मौका छोपेर यात्रुसँग तोकिएको भन्दा बढी भाडा लिने ३ वटा गाडीलाई कारबाही गरिएको ट्राफिक प्रहरीका वरिष्ठ नायब निरीक्षक शिवप्रसाद पाठकले बताए ।

यात्रुबाट सवारी साधनले बढी भाडा लिएको गुनासो आएपछि ट्राफिक प्रहरीले बढी भाडा लिने सवारी साधनलाई कारबाही गरेर बढी लिएको भाडा रकम यात्रुलाई फिर्ता गरेको छ । बढी भाडा लिने र ट्राफिक नियम पालना नगर्नेहरुलाई जनही १ हजारदेखि ५ हजारसम्म जरिवाना गर्न सक्ने व्यवस्था छ ।