पोखरा ।

पोखरा–२२, पुम्दीभुम्दी जाँदै गरेको नगर बस घैयाँ खेतमा दुर्घटना परेको छ । पोखरा १७ छोरेपाटनबाट शान्ति स्तूप जाँदै गरेको ग१ख ८५८५ नम्बरको नगर बस सडकबाट करिब २० मिटर तल खसेको हो ।

सडकबाट दुर्घटनामा १६ जना घाइते भएका छन् । घाइतेहरुलाई उद्धार गरी पश्चिमाञ्चल क्षेत्रीय अस्पताल र गण्डकी मेडिकल कलेज लगिएको जिल्ला ट्राफिक कार्यालय कास्कीका प्रवक्ता शिवकुमार पाठकले जानकारी दिए ।

घाइतेमध्ये ४ जनाको अवस्था गम्भीर छ भने बाँकीको अवस्था सामान्य छ । चालक तनहुँका ३० वर्षीय रमेश विकलाई नियन्त्रणमा लिइसकिएको वडा प्रहरी कार्यालय बैदामका डिएसपी रमेश श्रेष्ठले बताए ।