पोखरा ।
नेपालमा पुतलीको अध्ययन र संकलन तथा संग्रहालय स्थापनामा योगदान गरेका कोलिन फिलिप स्मिथ (पुतली बाजे) को सोमबार अन्तिम संस्कार गरिएको छ । नदीपुरस्थित चर्चमा क्रिस्चियन परम्पराअनुसार विदाइ गरी सेतीनदीमा उनको अन्तिम संस्कार गरिएको थियो । ८७ वर्षको उमेरमा उनको १८ कात्तिक शनिबार निधन भएको थियो ।

नेपालमा लामो समय बिताएका उनलाई नेपाल सरकारले सम्मानार्थ नेपाली नागरिता प्रदान गरेको थियो । उनको चाहना अनुसारै क्रिस्चियन र नेपाली परम्पराअनुसार उनको अन्तिम संस्कार गरिएको थियो । पृथ्वीनारायण क्याम्पस हाताभित्रको पुतली संग्रहालयमा सोमबार उनको पार्थीव शरीरमा श्रद्धाञ्जली अर्पण गरिएको थियो । पोखराका मेयर धनराज आचार्य लगायतले उनलाई श्रद्धाञ्जली अर्पण गरेका थिए ।