पुम्दीभुम्दी सहकारीमा नयाँ सञ्चालक समिति

समाधान संवाददाता २०८० कार्तिक २१ गते ११:५०

पोखरा ।
पुम्दीभुम्दी बचत तथा ऋण सहकारी पोखरा २२ को शनिबार भएको ५ औं साधारण सभा तथा दोस्रो अधिवेशनले नयाँ सञ्चालक समिति चुनेको छ । यामकुमार बरालको अध्यक्षतामा सर्वसम्मत भएको समितिको उपाध्यक्षमा लक्ष्मीप्रसाद बराल, सचिव प्रमोद बराल, कोषाध्यक्ष अम्बिका बराल र सहसचिवमा सन्तोष दियाली छन् ।


सञ्चालक समिति सदस्यमा अनिषा बराल, सुरज बराल, झमकनाथ देवकोटा, दिनेश बराल, सुशीला ढकाल बराल र सरोज केसी चुनिएका छन् । लेखा सुपरिवेक्षण समिति संयोजकमा प्रदीप बराल र सदस्यद्वयमा युवराज थापा पराजुली र सुमन बराल छन् ।
नवनिर्वाचित अध्यक्ष यामकुमारले संस्थालाई सहकारीका मूल्य, मान्यता तथा नीति अनुसार सञ्चालन गरी सेयर सदस्यको जीवनोस्तर उकास्न योगदान गर्ने प्रतिवद्धता जनाए ।


कार्यक्रममा जिल्ला सहकारी संघ कास्की अध्यक्ष सावित्रा कोइरालाले सहकारीहरुले उत्पादनमूलक क्षेत्रमा लगानी गर्नुपर्नेमा जोड दिइन् । उनले भनिन्, ‘सहकारीहरुले सेयर सदस्यलाई आत्मनिर्भर बनाउन सघाउनुपर्छ । सेयर सदस्यलाई वित्तीय शिक्षा तथा तालिम दिएर जागरुक बनाउँदै सहकारीविरुद्ध आएक भ्रम चिर्नु जरुरी छ ।’

Advertisement


पोखरा २२ का वडाध्यक्ष हिमलाल बराले सहकारीले लगानी र असुलीमात्रै नभएर उत्पादनमूलक काम गरी समाजमा योगदान गर्नुपर्नेमा जोड दिए । कार्यक्रममा पुम्दीकोट विकास समितिका संस्थापक अध्यक्ष चन्द्रकान्त बराल, सहकारीका सचिव प्रमोद बराल, उपाध्यक्ष लक्ष्मीप्रसाद बराल लगायतले बोलेका थिए ।

Advertisement

तपाईको प्रतिक्रिया