लेखनाथ ।
पोखरा २६ मा रहेको उज्ज्वल आमा समूहले विविध कार्यक्रमका साथ २३ औं वार्षिक साधारणसभा मनाएको छ । कार्यक्रममा पोखरा २६ का वडाध्यक्ष नरेन्द्र थापाले समग्र वडाको विकासका लागि यहाँ रहेका सामाजिक संघ, सस्थासँग सहकार्य गर्दै अगाडि बढ्ने वाचा गरे ।

कार्यक्रममा लेखनाथ उद्योग वाणिज्य संघकी महासचिव जानुका अधिकारी, पोखरा महानगरपालिका सहरी विकास योजनाकी मीना भण्डारी, लोक सांस्कृतिक संरक्षण समिति अध्यक्ष जगननाथ तिमिल्सेना, जागरुक नागरिक समाजका अध्यक्ष रामहरि ढुंगाना, कुलबहादुर थापा, मुरारी बराल, खेमप्रसाद भण्डारी, भोजराज बराल, सपना बराल, तारा ढकाल, सुमित्रा बञ्जरा, मीना बराल र शारदा बरालले बोलेका थिए । सो अवसरमा विविध सांस्कृतिक प्रस्तुति राखिएको थियो भने संस्थालाई गर्ने व्यक्तित्वहरुलाई सम्मान गरिएको थियो ।