पोखरा ।

सहकारीमा रकम हिनामिना गरेको आराेप लागेपछि फरार भएका बाग्लुङको ढोरपाटन नगरपालिकाका मेयर देवकुमार नेपालीले इमेज सहकारीका बचतकर्तालाई फिर्ता गर्नु पर्ने भन्दा धेरै सम्पत्ति आफ्नाे परिवारसँग रहेको दावी गरेका छन् । उनले बाहिर आएर काम गर्ने माैका दिए त्याे सम्पति बचतकर्तालाई हस्तान्तरण गर्न तयार रहेकाे समेत बताएका छन् ।

मंगलबार सामाजिक सञ्जालमा लाइभ आएका मेयर नेपालीले एउटा अपील पनि जारी गरेका छन् । त्याे अपीलमा बाग्लुङ, पाेखरा र काठमाण्डैामा गरी आफ्ना १८ वटा घर रहेकाे र ती घरकाे मूल्य ३ अर्ब भन्दा बढी रहेको दावी गरेका छन् । आफूले बचतकर्ताको पैसा फिर्ता गर्न तयार रहेको बताएका छन् ।

उनले आफू ७ वर्षदेखि मेयरको जिम्मेबारीमा रहेको र सहकारीकाे कारोबार हेर्न नपाएकाे दावी गर्दै सहकारी समस्यामा परेकाे थाहा पाएर मिलाउने प्रयास गर्दा गर्दै सबै बचतकर्ता एकै चाेटी रकम फिर्ता मागेर अप्ठेरोमा पारेकाे बताएका छन् । आफ्नाे सम्पती बचतकर्तालाई हस्तान्तरण गर्नको लागी वातावरण मिलाई दिन मेयर नेपालीले आग्रह गरेका छन् ।

इमेज बचत तथा ऋण सहकारी संस्थाका अध्यक्षसमेत रहेका मेयर नेपाली बचतकर्ताको रकम तिर्न नसकेपछि गत जेठ ५ गतेदेखि फरार छन् ।
सहकारीका सञ्चालक चित्रबहादुर भण्डारी, प्रबन्धक शक्ति किसान र कर्मचारी लालमती रोकालाई पुर्पक्षका लागि थुनामा पठाउन आदेश दिएको हो ।

नेकपा एमालेबाट नेपालीले २०७४ र २०७९ मा ढोरपाटनको मेयर जितेका हुन्। उनी संस्थापक अध्यक्ष रहेको इमेज सहकारीको मुख्य कार्यालय बाग्लुङ बजारमा छ भने शाखा कार्यालयहरू पोखरा र बालगुङको हटिया र बुर्तिबाङ बजारमा छन्।