पोखरा ।
पोखर–८ सिमलचौरस्थित ला ग्राण्डी इन्टरनेशनल कलेज र नबिल बैंक लिमिटेडको साझेदारीमा सामाजिक उद्यमशीलता सम्बन्धी तालिम शनिबार सुरु भएको छ । नबिल बैंकको स्कुल अफ सोसल आन्टरप्रेनरसिप नामको उक्त कार्यक्रमको तेस्रो संस्करण सुरु भएको हो ।

तेस्रो संस्करणमा ९ मंसिरदेखि २१ वटा सत्रहरू सञ्चालन भइरहेको कलेजका उपप्राध्यापक तथा तालिम संयोजक अमृत पौडेलले जानकारी दिए । गण्डकीका युवा लक्षित गर्दै उद्यमशीलता विकासको लक्ष्य राखी हरेक ३ महिनामा सामाजिक उद्यमशीलताका विभिन्न विधाहरुमा विषयविज्ञ तथा प्रशिक्षकहरुद्वारा प्रशिक्षण हुँदै आएको छ ।

प्रशिक्षण उद्घाटन समारोहमा नबिल बैंक पोखरा शाखाका म्यानेजर प्रदीप पहारीले स्वागतसहित तथा उक्त प्रशिक्षणबारे प्रकाश पारेका थिए । मुलुकलाई आत्मनिर्भर बनाउन युवाहरु उद्यमशीलतामा लाग्नुपर्ने खाँचो पहारीले औंल्याए । नबिल बैंक क्लस्टर हेड हरि ढकालले पनि नवीन सोचसहितको उद्यममा लाग्न युवाहरुलाई आग्रह गरे । कलेजका उप प्राध्यापक तथा तालिम संयोजक अमृत पौडेललेले २४ वर्षदेखि गुणस्तरीय शिक्षा प्रदान गर्दै आएकोमा सामाजिक उत्तरदायित्व अन्तर्गत नै यस्ता तालिम गर्दै आएको छ ।