बन्द गरियो बेगनासको मोटरबोट

समाधान संवाददाता २०८० मंसिर १७ गते १०:४५

पोखरा ।
पोखरा महानगरपालिकाले बेगनासतालमा सञ्चालित मोटर बोट बन्द गरेको छ । जलारी समुदायले विरोध जनाएपछि शुक्रबार पोखरा महानगरले पत्र लखेर तत्कालै बोट बन्द गर्न निर्देशन दिएको हो ।


मोटरबोट सञ्चालन गर्दा जलचरमा ह्रास आएको र डुंगा व्यवसाय तथा माझीहरुको जीविकोपार्जनमा संकट आएको भन्दै महानगरले यसको सञ्चालन बन्द गर्न निर्देशन दिएको हो ।


जलारीहरुले माछा लगायतका जलचरको प्रजनन तथा विकासमा प्रत्यक्ष असर गरेको गुनासो गरेका थिए । यस्तै, डुंगा व्यवसाय गरी जीविकोपार्जन गरिरहेका जलारी जतिको पेसामा प्रभाव पारेको भन्दै उनीहरुले महानगरलाई ध्यानाकर्षण पत्रसमेत बुझाएका थिए ।

Advertisement


सरोकारवालाले पनि पटक पटक गुनासो गरेकाले मोटरबोट तत्कालका लागि बन्द गर्न सञ्चालकलाई निर्देशन दिइएको महानगरका प्रशासन महाशाखा प्रमुख कृष्णप्रसाद तिवारीले बताए ।

Advertisement

तपाईको प्रतिक्रिया