पोखरा ।
सिद्धार्थ क्लब पोखराको आयोजना, नेपाल नर्सिङ संघ जिल्ला समिति कास्की र हिमाल अप्टिकल हाउसको प्राविधिक सहयोगमा अन्नपूर्ण गाउँपालिका ९ हिले स्थित हिले सामुदायिक स्वास्थ्य इकाइ परिसरमा अभिमुखीकरण एवं स्वास्थ्य शिविर भएको छ ।

हिलेमा स्तन तथा पाठेघर क्यान्सरसम्बन्धी अभिमुखीकरण एवं गर्भवती तथा भिआइए र आँखा परीक्षण गरिएको हो । कार्यक्रममा ४२ महिलाले भिआइए परीक्षण र ९९ जनाले आँखा परीक्षण गराएका थिए ।

अन्नपूर्ण गाउँपालिका वडा नं ९ का कार्यवाहक वडाध्यक्ष पुष्पा पुनले कार्यक्रमले विपन्न समुदायका सदस्यलाई स्वास्थ्यसम्बन्धी जानकारी दिएर जनस्वास्थ्यमा सकारात्मक प्रभाव पार्ने अपेक्षा सुनाइन् । सिद्धार्थ क्लबका अध्यक्ष इन्दिरा मर्सानी श्रेष्ठले समुदाय लक्षित कार्यक्रमले रोगको पहिचानका साथै आवश्यक औषधी वितरण र थप उपचारको परामर्शले सेवाग्राहीका स्वास्थ्य समस्या कम गर्न सहयोग पुग्ने विश्वास व्यक्त गरे ।

कार्यक्रममा नेपाल नर्सिङ संघ कास्की अध्यक्ष मुना सिलवाल, क्लबका सचिव विनोदप्रसाद श्रेष्ठ र निर्देशक रवि मर्सानीले बोलेका थिए ।