पोखरा ।
तेक्वान्दोको ५ दिने हाइपर्फमेन्स प्रशिक्षण पोखरामा भएको छ । नेपाल तेक्वान्दो संघको आयोजना तथा गण्डकी प्रदेश तेक्वान्दोको समन्वयमा प्रशिक्षण भएको हो ।

प्रशिक्षण समापन गर्दै गण्डकी प्रदेश सामाजिक विकास तथा स्वास्थ्य मन्त्रालयका सचिव प्रकाश पौडेलले यस प्रकारका प्रशिक्षणले युवा खेलाडीलाई नयाँ विषयवस्तुबारे जानकारी पाई खेलको प्रभावकारिता बढाउन सघाउने जनाए । सचिव पौडेलले खेलकुदको विकासका लागि मन्त्रालय गम्भीर रहेको जनाउँदै तेक्वान्दो खेलमा नेपालले अन्तर्राष्ट्रिय पदकसमेत ल्याउन सफल भएकाले यसको समुचित विकासमा ध्यान दिइने जनाए ।

नेपाल तेक्वान्दो संघका उपाध्यक्ष हरिश्वर पोखरेलको अध्यक्षतामा भएको भएको कार्यक्रममा गण्डकी प्रदेश तेक्वान्दो संघका महासचिव रमेश पौडेल, प्रदेश खेलकुद परिषदका सदस्य सचिव श्रीधर शर्मा, मन्त्रालयका खेलकुद महाशाखा प्रमुख खिमबहादुर भुजेल, तेक्वान्दो राष्ट्रिय प्रशिक्षक कविराज खड्गी, गण्डकी प्रदेश तेक्वान्दो संघका अध्यक्ष जगनबहादुर गुरुङ लगायतले बोलको थिए ।

प्रशिक्षणमा विभिन्न डोजाङका ३ डानभन्दा माथिका ३१ प्रशिक्षक जना थिए । सहभागीलाई किमयोङ विश्वविद्यालय कोरियाका प्राध्यापक पार्क जु सिक र क्वाङ वेय पार्कले सिकाएका थिए ।