लाहुरे टोलमा सडक ढलान

समाधान संवाददाता २०८० मंसिर २४ गते १४:१९

पोखरा ।
स्थानीय उपभोक्ता र वडाको सहकार्यमा पोखरा महानगरपालिका वडा नं. २६ को स्वर्णिम लाहुरे टोलमा बाटो ढलान भएको छ । ढलान सडक शनिबार पोखरा महानगरपालिका वडा नं. २६ का वडाध्यक्ष नरेन्द्र थापाले उद्घाटन गरे ।

Advertisement


अध्यक्ष थापाले टोलमा पहिलो प्राथमिकताको रुपमा रहेको सडक पूर्वाधारमा स्थानीय जनसहभागिता सहित निर्माण सम्पन्न भएको बताए । उनले वडामा गत र यस आर्थिक बर्षमा सडकलाई प्राथमिकता दिईएको उल्लेख गर्दै आगामी आर्थिक बर्षहरुमा शिक्षा र स्वस्थ्यमा बजेट विनियोजन गरिने स्पष्ट पारे ।


विगतको समयमा सडक पूर्वाधार अधुरा रहेकाले दुई वर्षको धेरैजसो बजेट यो क्षेत्रमा खर्चनु परेको उल्लेख गर्दै अध्यक्ष थापाले अव गुणस्तरीय शिक्षा र स्वास्थ्यमा जोड दिइने उल्लेख गरे । बाटो निर्माण समिति अध्यक्ष भीमबहादुर सुनारी मगरको अध्यक्षतामा भएको कार्यक्रममा वडा सदस्य तीर्थबहादुर राजभाट, जमुना गुरुङ लगायतले बोलको थिए ।

Advertisement


वडाको १ लाख ५० हजार र स्थानीयको २ लाख ३० हजार रुपैयाँबाट ६५ मिटर सडक ढलान भएको हो ।

तपाईको प्रतिक्रिया