भूकम्प पीडितलाई सहयोग

समाधान संवाददाता २०८० मंसिर २४ गते १६:५३

पोखरा ।
लायन्स क्लब अफ पोखरा फेवा वेगनास चौतारीले भूकम्प पीडितलाई न्यानो कपडा सहयोग गरेको छ । क्लबले जाजरकोट केन्द्रबिन्दु भई कात्तिक १७ गते गएको विनाशकारी भूकम्पबाट पीडित बनेकालाई ८५ हजार रुपैयाँ बराबरको सहयोग गरेको क्लबका अध्यक्ष टीकाबहादुर लम्सालले बताए ।


रुकुमको आठविसकोट नगरपालिका वडा नम्बर १४ मा पुगेर नगर प्रमुख रवि केसीलाई सहयोग हस्तान्तरण गरिएको अध्यक्ष लम्सालले बताए । भूकम्पका कारण समस्यामा परेर यो जाडोमा खुला आकाशमुनि बस्न बाध्य भएका पीडितको दुःखमा साथ दिने हेतुले ८५ हजार रुपैयाँ बराबरको जाडोमा लगाउन मिल्ने न्यानो कपडा सहयोग गरेको लम्सालले बताए ।
भूकम्पले घर भत्काएपछि पीडितहरु बारीमा त्रिपाल टाँगेर बसिरहेका छन् ।

Advertisement

तपाईको प्रतिक्रिया