लेखनाथ ।
पोखरा २६ को लेखनाथ बचत तथा ऋण सहकारीले आफना सेयर सदस्यलाई सहकारीको वर्तमान अवस्था र भावी योजनाका बारेमा जानकारी गराएको छ ।

सहकारीको वार्षिक कार्यक्रम अन्तर्गत शनिबार भएको कार्यक्रममा सहकारीको वित्तीय अवस्थाका बारेमा छलफल भएको अध्यक्ष हरिबहादुर जिसीले बताए । उनले संस्थागत हितका लागि सेयर सदस्यको भूमिका महत्वपुर्ण हुने जनाए ।

कार्यक्रममा लेखनाथ उद्योग बाणिज्य संघका पूर्व अध्यक्ष बलराम ढकालले सहकारीले सेयर सदस्यका हितमा नीतिगत कार्यक्रम ल्याउनुपर्ने सुझाव दिए । कार्यक्रममा कार्यक्रम संयोजक सम्झना लामिछाने, सचिव लेखनाथ सापकोटा, पूर्वअध्यक्ष नारायणदत्त वस्ताकोटी र खडानन्द लामिछाने लगायतले बोलेका थिए ।