पोखरा ।
अर्घाैंचोकमा कारले ठक्कर दिँदा भएको दुर्घटनामा २ जनाको मृत्यु भएको छ । पोखरातिरबाट तालचोक गइरहेको बिएए ००४१ नम्बरको कारले पोखरातिर आइरहेको ग१३प ३५७८ नम्बरको स्कुटरलाई आइतबार साँझ ठक्कर दिएको प्रहरीले जनाएको छ ।

प्रहरीका अनुसार पोखरा २५ हेम्जाकी २३ वर्षीया अनिशा खड्का र पोखरा ५ जिरोकिलोमिटरकी २४ वर्षीया भावना बरालको दुर्घटनामा परी मृत्यु भएको हो । बरालको अस्पतालमा उपचारका क्रममा मृत्यु भएको जनाइएको छ । खड्का र बराल दुवै दन्त विषयमा चिकित्साशास्त्र पढ्थे ।
दुर्घटनामा घाइते भएका खड्का र बराललाई उपचारका लागि अस्पताल लगिएको थियो । तर उपचारकै क्रममा खड्कालाई पौने ५ बजे चिकित्सकले मृत घोषणा गरेको कास्की प्रहरीले जनाएको छ ।

बरालको थप उपचारका लागि पश्चिमाञ्चल क्षेत्रीय अस्पतालबाट चरक अस्पतालमा लगिएकोमा त्यहाँ नै उनको साँझ सबा ७ बजे मृत्यु भएको प्रहरीको विज्ञप्तिमा उल्लेख छ ।