अधुरै रह्यो डेन्टिस बन्ने सपना

समाधान संवाददाता २०८० मंसिर २५ गते ११:५३

पोखरा ।
पोखरा ५ जिरोकिलोमिटरकी २४ वर्षीया भावना बरालको डेन्टिस बन्ने सपना अधुरै रहेको छ । सडक दुर्घटनामापरि उनको निधन हुँदा उनको सपना अधुरै रहेको हो ।


बरालसँगै स्कुटरमा सवार पोखरा २५ हेम्जाकी अनिशा खड्काको पनि दुर्घटनामापरि मृत्यु भएको छ । दुवै जना गण्डकी मेडिकल कलेजमा दन्त चिकित्साशास्त्र अध्ययनरत थिए । पढाइमा लगनशिल दुवै दन्त चिकित्सक बनेर समाजसेवा गर्ने सपना थियो ।


आइतबार कलेजबाट घरफर्किने क्रममा अर्घौचोकमा उनीहरु सवार स्कुटरलाई कारले ठक्कर दिएको थियो । ठक्करपछि घाइते दुवैलाई उपचारका लागि पश्चिमाञ्चल क्षेत्रीय अस्पताल लगिएकोमा उपचारको क्रममा उनीहरुको निधन भएको थियो ।

Advertisement

तपाईको प्रतिक्रिया