पोखरा २९ मा खेलकुद

समाधान संवाददाता २०८० मंसिर २७ गते ११:१२

लेखनाथ ।
१७ वर्षभन्दा कम उमेरका युवालाई खेलतर्फ आकर्षित गर्नका लागि पोखरा २९ मा वडा स्तरीय खेलकुद भइरहेको छ।
प्रतियोगिताको माध्यमबाट वडाभित्र रहेका युवाबाट खेलाडी उत्पादन गर्ने लक्ष्य राखिएको छ । प्रतियोगितामा टिम छनोट गर्दा जन्मदर्ता र टोल विकास संस्थाको सिफारिस अनिवार्य छ । १७ वर्ष मुनिकालाई मात्र समावेश गरी २० टिमका बिच खेल भएको वडाध्यक्ष श्रीप्रसाद गुरुङले बताए ।


भण्डारढिक खेलमैदानमा मंसिर ३० गतेसम्म चल्ने प्रतियोगिता संघीय सांसद मनबहादुर गुरुङले उद्घाटन गरेका छन् । सांसद गुरुङले खेलकुदको माध्यमबाट देशको गरिमा अन्र्तराष्ट्रिय स्तरमा समेत उँचो हुने उल्लेख गरे । कार्यक्रममा लेखनाथ उद्योग वाणिज्य संघका प्रथम उपाध्यक्ष उपेन्द्रराज सुवेदी ‘राजु’, नेपाल खेलकुद महासंघका केन्द्रीय सचिव विष्णु पुन, ङयोए तमु धिं लेखनाथका अध्यक्ष मेजर रामप्रसाद गुरुङ लगायतले बोलेका थिए ।


प्रतियोगिताका मुल संयोजक एवं वडाध्यक्ष गुरुङले शिक्षा, स्वास्थ्य र खेलकुदलाई वडाले पहिलो प्राथमिकतामा राखेको बताए । प्रतियोगितामा विजेता हुने टिमले नगद ३० हजार, साथमा सिल्ड, मेडल र प्रमाण–पत्र प्राप्त गर्नेछ भने उपविजेताले नगद २० हजार, सिल्ड, मेडल र प्रमाण पत्र पाउनेछ ।

Advertisement


तृतीय हुने टिमले नगद १५ हजार, सिल्ड, मेडल र प्रमाण पत्र र सान्त्वना हुने टिमले नगद १० हजार, सिल्ड, मेडल र प्रमाण पत्र प्राप्त गर्ने छ । सहभागी सम्पुर्ण टिमलाई नगद ५ हजार प्रदान गरिनुका साथै प्रतियोगितामा उत्कृष्ट खेलाडी, उत्कृष्ट गोल रक्षक, उत्कृष्ट गोलकर्ता र अनुशासितत टिमलाई समेत पुरस्कृत गरिने खेल संयोजक कालिदास पोखरेलले जानकारी दिए ।

Advertisement

तपाईको प्रतिक्रिया