मध्यपश्चिम विश्वविद्यालयका विद्यार्थी पोखराको लेकसिटी कलेजमा

समाधान संवाददाता २०८० पुष ५ गते १८:०१

पोखरा ।
लेकसिटी कलेज एन्ड रिसर्च सेन्टरमा सोसल वर्क (सामाजिक कार्य) पढिरहेका विद्यार्थी र मध्यपश्चिम विश्वविद्यालय सुर्खेतका विद्यार्थीबिच बिहीबार अन्तक्र्रिया भएको छ । उक्त विषयको पढाइका सिलसिलाको अर्बान क्याम्पका क्रममा सुर्खेतदेखि सो विद्यालयका विद्यार्थी पोखरा आइपुगेका थिए ।


सोसल वर्क पढाइ हुने गण्डकी प्रदेशकै एकमात्रै कलेज लेकसिटीका विद्यार्थीसँग सुर्खेतका विद्यार्थीले अनुभव साटासाट गरेका हुन् ।


मध्यपश्चिम विश्वविद्यालयका शिक्षक डा. धनुष पाठकले सहरी शिविरका क्रममा सामाजिक कार्यको पढाइलाई प्रयोगात्मक तरिकाले कसरी लैजाने भन्ने अनुभव आदानप्रदान गर्न पोखरा आएको जानकारी गराए ।

Advertisement


मध्यपश्चिम विश्वविद्यालयमा सोसल वर्क पढिरहेका विद्यार्थीले आफ्ना अनुभव सुनाए भने लेकसिटी कलेजका प्रतिमा पौडेल र आशिका रानाभाटले आफ्नो कलेजका ग्रामीण र सहरी शिविरका अनुभव बाँडे । लेकसिटी कलेज एन्ड रिसर्च सेन्टरमा सामाजिक कार्य संकाय प्रमुख रोशिना कुँवरले धन्यवादसहित मध्यपश्चिमका डा. पाठकलाई मायाको चिनो प्रदान गरिन् ।

यसअघि गत वर्ष लेकसिटीका विद्यार्थी सहरी शिविरका सिलसिलामा सुर्खेत पुगेका थिए । हालैमात्रै एउटा समूह चितवनको थारु बस्तीमा ग्रामीण शिविरको अनुभव बटुलेर फर्किएको छ ।

Advertisement

प्रतिमा पौडेल/विद्यार्थी पत्रकार

तपाईको प्रतिक्रिया