कालिका मावि च्याम्पियन

समाधान संवाददाता २०८० पुष ९ गते १३:३२

पोखरा ।
रुपा गाँउपालिकामा आयोजित राष्ट्रपति रनिङ सिल्ड प्रतियोगितामा १२ स्वर्ण, ३ रजतसहित रुपा १ को कालिका मावि च्याम्पियन बनेको छ । रुपा ६ को चन्द्रप्रभा मावि ५ स्वर्ण, ३ रजत र ६ कास्यसहित दोस्रो स्थानमा रह्यो ।


रुपा गाँउपालिका स्थित खेलमैदान भएको प्रतिस्पर्धामा रुपा ३ स्थित जनता माविले २ स्वर्ण, २ रजत र २ कास्यसहित तेस्रो स्थानमा रह्यो । प्रतियोगितामा गाँउपालिकाका १० विद्यालयले सहभागिता जनाएका थिए ।


प्रतियोगितामा एथलेटिक्सतर्फ १ सय, २ सय, ४ सय, ८ सय मिटर र रिले दौडमा छात्रा तथा छात्र समावेश गरिएको थियो । त्यस्तै हाइजम्प, लङजम्प, त्रिपल जम्प र सटफुट लगायतका खेलहरुमा समेत प्रतिस्पर्धा गराइएको थियो । ज्याभलिन थ्रो छात्र तथा छात्रा तथा भलिबल खेल समावेश गरिएको थियो ।

Advertisement


विजेता खेलाडीलाई संघीय संसद मनबहादुर गुरुङ, रुपा गाँउपालिकाका अध्यक्ष नवराज ओझा लगायतले पुरस्कार प्रदान गरे ।

Advertisement

तपाईको प्रतिक्रिया